Roniştişê verênî yê Ecevît Pîrogluyî ra verî vizêr paytextê Yunanîstanî Atina de seba ey çalakîyêke ameye kerdene. Pîroglu seba ke dewleta tirke teslîmê ci waşto 18 mengî yo Sirbistan de tepişte yo.

Çalakîye serkêşîya Merkezê Kulturê Kurdan, TCŞ û TÊKO-JIN de verê Sersefîrîya Sirbistanî ya Atina de ameye kerdene. DKP/BOG, MKP, MLKP, TKP/ML û xeylêk rêxistinê çepgîrî zî tewrê çalakîye bîyî.

Çalakîye de ame vatene ke teslîmkerdişê Pîrogluyo ke Tirkîya û Rojawan de vera faşîzmî têkoşîn kerdo, bêhuqûqî yo.