Rêxistinanê Partîya Şaran a Demokratîke (HDP) û Partîya Herêmanê Demokratîkan (DBP) ê Edene reaksîyon da destbendkerdişê endamanê Meclîsê Ciwanan ê HDP’yî. Eşkerayîya ke banê partîye de ameya dayene de hemserekê Bajarî Mehmet Mahsûm Erîgî qisey kerd û bale ante serê hêrişanê vera HDP’yî.

Erîgî da zanayene ke ê her wareyî de raştê polîtîkayanê hêriş û teslîmgirewtişî yê tifaqa AKP û MHP’yî yenê û vat, “Tewr zêde cinî û ciwanî raştê nê polîtîkayan yenê. Nê bingeyî ser o cehd kenê ke bi made, bi fihûşî û bi asîmîlasyonî  ameyoxê ciwanan çin bikerê. Seba ke ciwanê ma na polîtîka qebûl nêkenê û xebatanê xo yê rêxistine rayra benê, timî vera ci zext û astengî yenê kerdene. Vizêrî sereştişê keyeyan de bi bihaneyanê talan 35 endamanê Meclîsê Ciwanan ê HDP’yî yê Adana ameyî destbendkerdene. Ma zî hişmendîya ke hevalan ê ma yê ke tarîx, kultur û hunerê xo ra vejîyenê terorîze kena, şermezar kenê. Ganî hevalê ma yê ciwanî cade bêrê veradayene. Ma baş zanê ke tu sucêkê hevalanê ma çin o.”