Wekîlê HDPyî  vera tecrîdkerdişê Rayberê Şarê Kurdî Abdullah Ocalanî roja 29. de Nobeta Edaletî dewam kenê. Wekîlan Kemal Pekoz, Fatma Kurtulan, Feleknase Uca, Muazzeze Orhan, Abdullah Koç, Ayşe Surucu, Murat Çepnî, Saît Dede, Şevîne Coşkûn û Erdal Aydemîrî baxçeyê Meclîsî de eşkerayîye daye.

Wekîla HDPyî ya Riha Ayşe Surucu nameyê wekîlan ser o eşkerayîye daye û vat: ''Tecrîdê vera Birêz Ocalanî beno sebebê krîzan û bi xirabî tesîrê komelî keno. Her roje zîndanan de merdimî mirenê. Kurdan rê 'konseptê qirkerdişî' yeno ferzkerdene. Bedçeya tewr pîle ya welatî yena dîyene şerî. Ma seba ke şorê Îmraliyî û pêvînayîşî bikerê muracatê Wezîrîya Edaletî kerd. La Wezîrîye cewab nêda ma. 29 rojî yo ma Nobeta Edaletî de yê la vengê ma nêno eşnawitene. Heta ke tecrîd dewam bikero têkoşînê ma do dewam bikero. Ma venga Wezîrîya Edaletî danê ke tecrîdî wedarna, berê Îmraliyî abikera. Wa avûkat û keyeyî bieşkê pêvînayîşan bikerê.''