Wekîlê HDPyî roja 16. de vera tecrîdê serê Rayberê Şarê Kurdî Abdullah Ocalanî Nobeta Edaletî rê dewam kenê. Wekîlî Kemal Pekoz, Siddik Taş, Erol Katircioglu, Remzîye Tosun, Nurane Îmîr, Garo Paylan, Huseyîn Kaçmaz û Erdal Aydemîr ver bi Berê Dîkmenî yê Meclîsî şîyî.

Wekîle Remzîye Tosun nameyê wekîlan ser o eşkerayîye daye û vat: ''Heta ke tecrîd bêro wedaritene ma do Nobeta Edaletî rê dewam bikerê. Îqtîdarê AKP-MHPyî keno ke pê rayîrê tecrîdî sîyasetî dîzayn bikero. Ganî berê Îmraliyî bêrê akerdene û derheqê weşîya Ocalanî de agahîyî bêrê dayene rayaumûmîye. Ganî cade vengê Abdullah Ocalanî bêro eşnawitene. Heta ke no veng nêro her kuçe û warî de çalakîyê ma do dewam bikerê. Ganî Wezîrîya Edaletî seba wedaritişê tecrîdî cade têbigêra.''

Wekîlê HDPyî yê Îstanbulî Erol Katirciogluyî zî ard ziwan ke Abdullah Ocalanî ra xeberêke nêna girewtene û ganî cade bêhuqûqîya Îmraliyî biqeda. Katirciogluyî vat: ''Abdullah Ocalan eşkeno meseleyanê Tirkîya çareser bikero. Coka ma wazenê vengê ey bêro eşnawitene.''