Wekîlê HDPyî 21 rojî yo verê Meclîsî de vera tecrîdê serê Rayberê Şarê Kurdî Abdullah Ocalanî Nobeta Edaletî kenê. Wekîlan Merale Daniş Beştaş, Hişyar Ozsoy, Mahmut Togrul, Dîlane Dîrayet Taşdemîr, Omer Ocalan, Necdet Îpekyuz, Gulîstane Kiliç Koçyîgît, Huseyîn Kaçmaz, Zeynel Ozen û Kemal Pekozî eşkerayîya xo baxçeyê Meclîsî de daye.

Merale Daniş Beştaş nameyê wekîlan ser o eşkerayîye wende û vat: ''Ganî erkê her demokratî/e yo verêne deşîfrekerdişê tecrîdî bibo. Heta ke tecrîd nêqedo demokrasî do nêra Tirkîya. Tecrîd çewî rê do fayde nêkero. Tecrîd teyna beno sebebê krîzan. Çareserîye Îmrali de ya. Her kes zaneno ke wexto ke Îmrali de birêz Ocalan qisey bikero zemînê haştîye û çareserîye virazîyeno. Ê hêzê ke tecrîdî tesdîq kenê zanenê ke tek çareya krîzan Ocalan o. La reyna zî tecrîd de israr kenê. Baronê şerî zî nêwazenê tecrîd wa biqedo. Ganî Îmrali de tecrîd biqedo.''