Vera tecrîdê serê Rayberê Şarê Kurdî Abdullah Ocalanî Wekîlê HDPyî roja 22. de Nobeta Edaletî rê dewam kenê. Wekîlî Gulîstane Kiliç Koçyîgît, Mahmut Togrul, Omer Ocalan, Zeynel Ozen, Dîlane Dîrayet Taşdemîr, Celadet Gaydalî, Zuleyha Gulûm û Kemal Pekoz beşdarê nobete bîyî.

Wekîlê HDPyî yê Riha Omer Ocalanî nameyê wekîlan ser o eşkerayîye wende. Omer Ocalanî da zanayene ke ganî Wezîrîya Edaletî eşkerayîyêke bidê û derheqê tepişteyanê Îmraliyî de agahîyan bidê. Omer Ocalanî vat: ''Îmrali de qanûnî nênê caardene, destûr nêdîyeno pêvînayîşan.

Îqtîdarê AKP-MHPyî wazeno pê tecrîdî ser bikewo. Ma 22 rojî yo vera tecrîdî nobete de yê. Waştişê ma meşrû û qanûnî yê. Ganî Wezîrê Edaletî cewab bido muracatanê ma. Ma sey keye û avûkatan wazenê şorê Îmraliyî û pêvînayîşan bikerê. Ganî her kes na raştîye bizano. Ma venga AKPyî danê ke qanûnan bîyaro ca. Seba ney zî ma do têkoşînê xo rê dewam bikerê. Ma do nêverdê tecrîdê Îmraliyî pêro welatî esîr bikero.''