Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 554 de rixmê serd û sipirî dewam kena. 

No hewte nobeta ke her hewte hetê kurdan û dostanê înan ra yena domnayene, hetê koma Nurnbergî ra ameye dewrgirewtene. Koma de Hasan Çîçek, Mazlûm Dogan û Ozgur Kara ca genê.

Hasan Çîçekê ke bi nameyê kome ANFyî rê qisey kerd ard ziwan ke serrgêra Komployê 15ê Sibate de sere de ciwanî heme şarê kurdî têkoşînê xo domneno. Hasan Çîçekî nê vatî: ''Rayberîye zîndan de têkoşînê bêhempa rayra beno. Ganî şarê ma dahîna zaf wayîrê nê têkoşînî bivejîyo. Ma pawenê ke ciwanê kurdan sefanê têkoşînê de cayê xo bîgêrê. Zîndananan de têkoşîno xurt est o, ma têkoşînê înan selam kenê.''

Çîçekî Veysî Taş û Mehmet Akar înanê ke vera tecrîdê serê Abdullah Ocalanî bedenê xo da adirî ver, ê zî ardî vîrî û vat: ''Seke yeno zanayene rojanê peyênan de di welatperweran semedê şermezarkerdişê komployî vat 'Şima nêeşkenê tîja ma tarî bikerê' û bedenê xo da adirî ver. Wird embazê ma zî şehîd bîyî. Senî ke partîya ma zî vat, ma zî xovêşnayîşî raşt nêvînenî. Rayberîye zî nê nêwazeno. Ganî no sey talîmatê Rayberîye bêro girewtene. Na çarçewe de wa şarê ma tewrê çalakîyan bibo.''