150 tepişteyê ke Hepisxaneyê Xarpêtî grevê vêşanîye de bîyî, bi vengdayîşê Rayberê Şarê Kurdî Abdullah Ocalanî grevê vêşanîye qedêna.

Dimayê qerarê qedênayîşê grevî, seba tedawîkerdişê tepişteyan avûkat û parlamenterê Partîya Şaran a Demokratîke (HDP) yê Çewlîgî Erdal Aydemîrî mudirê hepisxaneyî û dozgerî reyde pêvînayîş kerd.

Aydemîrî ard ziwan ke pêvînayîşo ke înan selahîyetdaran reyde kerdo de dayo zanayene ke mudaxeleyo verên ê tepişteyan do kampusanê hepisxaneyî de bêrê kerdene û wextê mudaxeleyî de 4 pîsporê daxiliyeyî, 2 dîyetîsyenî û wezîfedarê weşîye yê ke hepisxane de yê bibê.