Çalakgeranê grevê vêşanîye ra Ûgûr Onûro ke Zîndanê Maltepe de maneno ard ziwan ke ê bi bawerîya xoverdayîş resneno serkewtişî tê gêrayî û qismêkê tecrîdî şikna û ser kewtî.

Onûrî bale ante muhîmîya xoverdaşî ser û va: ‘’Tecrîd tam nêbo zî ame wedartene. Mucadele yo ke Rayber Apoyî afernayo, zindan de ame dayene. Nê prosesî de ma sey kronîk vêşanîye hîs bikerî zî hetê manevîyatî ra ma zaf mirdbî. Ma bi erjanê tarîxê mucadeleyê xo û bi paştdayîşê şarê xo nê demî de xover da û  payra mendî. Ewro qismêk zî bi tecrîd ame wedartene û reyna girdîya mucadeleyê ma vejîyeye meydan. Nê prosesî bi raştîya xoverdayîş timûtûm reseno serkewtişî tarîx de cayê xo girewt û destkewteyêk vete werte la no peynî nêyo. Peynîya mucadeleyî bi azadîya Rayberîye û şorişê Kurdistanî mikun a. Şarê Kurdî û hêzo ke ci rê rayberîye keno barê nê demî na xo doşe û wezîfeyê xo ard ca. La semedê serkewtişî ganî xoverdayîş bêro xurtkerdene. No zî bi caardişê her vatişê Rayber Apoyî mimkun o.

Faşizm Xo bi Tersî Înşa Keno

Onûrî binpaykerdişê heqan ê zîndanan vist vîrî û wina dewam kerd: ‘’ Zextê zîndanano ke hertim zêdîyeno wextê grevê vêşanîye de dilab-hîrlab zêdîya. Heme heqê ma yenê binpaykerdene. Dimayê grevê vêşanîye  zî semedê weşîya ma gamê cîddî nêameyî eştene. Bi hawayêkê zeman ra vilakerdişî ma nêberdî nêweşxane zî. Rejîmo ke nê tecrîdî bica ano zîndanan de zî heme zextan keno.  Faşîzm ters o. Xo timûtim serê tersî ra înşa keno. Wazenê ke şarî ser o psîkolojîya tersî hekîm bikerê. Rîyê tersê xo ra çîyê ke bi polîtîkayanê şerî yê taybetî nêeşkenê bica bîyarî wazenê ke bi hêrişan bica bîyarê. Cayo ke dewlete tede esta ehlaq çîn o. Dimayê çalakîye derbkerdişê tayî embazanê ma nayî ramojneno.

Mucadeleyê Ma Dejê Ma Çîn Kerdî

Ûgûr Onûrî qiseykerdişê xo bi nê vatişan qedîna: ‘’Wextê grevê vêşanîye de ma de xeylî nêweşîye vejîyayî. Nêzdîbîyayîşê xebatkaranê weşîye vera ma hêrişkar bi. Herinda nêrehatîyanê ma werte ra  wedartişî kemîkerdişê dejê ma înan waştenê ke îradeyê ma bişiknê. Problemê ma çareser nêkerdêne û waştişê înan o bi ke ma weşîya xo qesawet bikerê, bitersê û peyser game bierzê. La seke her kes zî zano vatişê înan semedê ma bêmana bî. Bawerîya ma ya mucadeleyî dejê ma çîn kerdêne.’’