Temsîlkaranê Yewîya Hêzî ya Demokratîke ya Ewropa û FEDA venga pêro kurdîstanijan da ke seba azadîya Rayber Apoyî tewrê rayraşîyayîş û mîtîngê Kolnî yê 16ê teşrîna peyêne bibê.

Îdarekarê FEDA Azîz Tunç: Şarê ma vera faşîzmî bi xurtî xo ver dano. Seba paştdayîşê şaranê ma, seba çareserîya meseleya kurdan, seba wedarîyayîşê tecrîdî û seba caardişê azadîya Rayber Apoyî, seba çinkerdişê hêrişanê vera elewîyan ma Koln de kom bibê.

Pîr Mahîr Şahîn: Birêz Abdullah Ocalan 26 serran ra nata tecrîdkerde yo û Girawa Îmraliyî de tepişîyeno. Seba azadîya ey ma roja şemeyî Koln de do rayraşîyayîş bikerê. Ma pîya Koln de vengê xo biresnê dinya.

Temsîlkarê Partîya Xelisîyayîşî ya Newe ra Sosyalîste Tuncay Yilmaz: Ma venga şarê xo danê ke 16ê teşrîna peyêne de Koln de bibê, tewrê refanê haştî û azadîye bibê. Ma vengê xo û hêzê xo bikerê yew.

Hemserekê AVEG-KONî Mesût Duman: 16ê teşrîna peyêne de vera tecrîd, hêrişanê îmha, şer û polîtîkayanê qeyûman ma pabeyê şima yê ke şima Koln de bibê.

Hemserekê ATÎKî Suleyman Gurcan: 16ê teşrîna peyêne de Koln de seba azadîya Abdullah Ocalanî rayraşîyayîş do bêro kerdene. Seba şermezarkerdişê qeyûman zî no rayraşîyayîş girîng o. Ma venga her kesî danê ke tewrê rayraşîyayîşî bibê.

Temsîlkara Xeta Sor Necatî Guler: Sey Xeta Sûre ma venga pêro dostanê xo, merdimanê averwazan, demokratan û dijberanê tecrîdî danê ke paştî bidê rayraşîyayîş û mîtîngê Kolnî û tewrê nê çalakîyan bibê.

Çîgdem Alinterî: Bi şîarê 'Abdullah Ocalanî rê azadîye, şarê kurdî û tepişteyanê sîyasîyan rê azadîye' wa bi hezaran kesî 16ê teşrîna peyêne de Koln de bibê. 

Temsîlkarê ADDKÎ Huseyîn Ateş: 16ê teşrîna peyêne de seba azadîya Abdullah Ocalanî ma Koln de bêrê pêser. Ma venga pêro welatperweran, sosyalîstan û demokratan danê ke Koln de kom bibê.