Endamê Koordînasyonê Êzidîyan Zekî Şengalî yo ke 15’ê Tebax a 2018’î de hêrişê dewleta Tirkî ya îşxalkare de amebi şehîdkerdene bajarê Hîldesheîmî yê Almanya de ame vîrardene.

Vîrardişo ke  Merkezê Cimatê Kurdan ê Demokratîkî de ame viraştene xeylî kesî tewrê ci bîyî. Heyata vîrardişî de fotografê şehîdanê Kurdistanî ameyî daliqnayene. Rêzgirewtişê seba şehîdan ra dima hemserekena DKTM’yî Şêx Îskender Torba û Hatîce Gonene qiseykerdişêk kerd. Dimayê pêramotişê sînevîzyonî  endama Yewîya Cinîyan a Kurdistan a Almanaya (YJK-E Hekîme Yousefe qisey kerd. Yousefe şexsê Mam Zekî Şengalîyî de şehîdanê Kurdistanî rê deyndarîya şarê Kurdî ard ziwan û vat bi vîrardişê şehîdan ma  bihêz benê û ser kewenê. Bi nameyê keyeyê Şengalî zî birarzayê ey Hasan Ozdenî ard ziwan ke ê sey keyeyê Mam Şengalî do xeta Rayber Apo û şehîdanê Kurdistanî  de xoverdayîş gird bikerê.