Zîndanê Qefilnayeyî yê Tîpê Dyî yê Amedî de 5ê adare de nişka operasyonêk ame kerdene. Goreyê zanayîşanê ke ameyî giretene nizdê 300 kesan ke zîndan de mendêne, zîndanê bînan rê ameyî surgunkerdene. Nêame musayene ke tepişteyî surgunê kam zîndanan bîyî.

Tepişteyo nêweş Mehmet Emîn Ozkano ke lîsteya ÎHDyî ya 38 tepişteyanê giranan ke gerek bêrê tehlîyekerene de yo  û lajê ci Ahmet Ozkano ke ci rê refeqat keno, ê zî mîyanê surgunkerdeyan de yê. Dîya zanayene ke Ozkan û lajê ci şawîyayî Zîndanê bi Ewlekarîya Berze yê Hûmara 1î yê Amedî.