Almanya de hêrişê AKP'yî ameyî protestokerdene
Xeylî bajaranê Almanya de vera xespkerdişê şaredarîyanê Bajaranê Pîlan ê Amed, Wan û Mêrdînî çalakîyî ameyî viraştene û hêrişê vera Kurdan ameyî protestokerdene.
Xeylî bajaranê Almanya de vera xespkerdişê şaredarîyanê Bajaranê Pîlan ê Amed, Wan û Mêrdînî çalakîyî ameyî viraştene û hêrişê vera Kurdan ameyî protestokerdene.
Bi desan bajaranê Almanya de Kurdistanijî û dostê înan vejîyayî meydanan û xespkerdişê şaredarîyanê Kurdan protesto kerd.
Hamburg: Bajarê Hamburgî de bi rayraşîyayîşêk û mîtîngêk hêrişê vera şaredarîyanê Kurdan ame protestokerdene. Çalakîya ke xeylî parlamenterê Partîya Çepe yê Almanya û temsîlkarê xeylî dezgehan tewrê ci bîyî ame vatene ke xespkerdişê şaredarîyan îlankerdişê şerî yo.
Bremen: Bajarê Bremen de zî Kurdistanijî û dostê înan vejîyayî meydanan û hêrişê îqtîdarê faşîstî yê vera îradeyê Kurdan protesto kerd.
Pforzheim: Bajarê Pforzheimî de zî Kurdistanîjî çalakîye de bî. Qiseykerdişan de ame vatene ke îradeyê şarî reyna hetê qesrî ra ame xespkerdene la Kurdî vera naye çok nêdane.
Frankfurt: Bajarê Frankfurtî de zî bi çalakîyêk polîtîkaya hêrişkare ya AKP’yî ya vera Kurdan ameye protestokerdene.
Nurnberg: Bajarê Nurnbergî de zî bi tewrbîyayîşê Partîya Çepe ya Almanya û endamanê AGÎF’î çallakîyêk ameye viraştene û derheqê hêrişanê dewleta Tirkî de vilawekî ameyî vilakerdene.
Hildeshem: Bajarê Hildeshemî de zî semedê paştdayîşê HDP’yî çalakîyêk ameye viraştene. Çalakgeran hêrişê îqtîdarê faşîstî yê vera şaredarîyanê Kurdan protesto kerd.
Stuttgart: Bajarê Statutgartî zî Kurdistanijî vejîyayî meydanan û vera hêrişê AKP-MHP’yî yê vera Kurdan razînêbîyayîş ramot û paştî daye HDP’yî.
Koln: Bajarê Kolnî de zî vera xespkerdişê şaredarîyanê HDP’yî çalakîyêk ameye viraştene. Aachen, Dusseldorf û Duren ra zî xeylî Kudistanijî û dostê înan tewrê çalakîye bîyî û vera qeyûman hêrsê xo ard ziwan.
Saabrucken: Bajarê Saabruckenî de zî Kurdistanijan vera polîtîkaya qirkerdişî ya AKP’yî meydmanan de mesajê xoverdayîşî dayî.
Munîh: Bajarê Munîhî de zî Kurdistanijî û dostî vejîyayî kuçeyan û derbeya sîyasîye ya vera Kurdan protesto kerd. Qiseykerdişan de ame vatene ke şarê Kurdî sey vizêrî ewro zî do vera qeyûman milê xo çewt nêkero û mucadeleyî xurt bikero.
Reyna Bonn, Giessen, Essen, Oldenburg,Duîsburg,Hagen,Freîburg û xeylî bajaranê Almanya de hêrişê dewleta Tirkî yê vera Kurdan ameyî şermezar kerdene.
Hagen
Freîburg
Giessen
Essen
Oldenburg