Wezîrê Karan ê Teberî yê DYA Mike Pompeoyî da zanayene ke Amerîka  îdarekaranê Îranî û keyeyanê înan rê ameye qedexekerdene.

Eşkerayîya ke bi nameyê Pomeoyî ameye dayene de ame vatene ke 'îdarekarê Îranî û keyeyê înan bi serran o perwerde, kultur û şayî zafê firsendanê Amerîka ra kar kenê. Nê îdarekarê Îranî û keyeyê înanê ke firsendanê Amerîka ra kar kenê', qedexe vera înan o.

Eşkerayîye de ame pêhesnayene ke Serekê DYA Donald Trumpî pê qerarnameyêkê serekîye îdarekaranê payeberzan ê Îranî û keyeyanê înan rê ameyîşê Amerîkayî qedexe kerd û ame vatene ke îdarekaranê elîtan ê Îranî wextêko derg  'firsendanê Amerîkayî ra kar kerd, labelê ê hînî do nêeşkê ci ra kar bikê. " Pompeoyî eşkerayîye de reyêka bîne îddîa kerd ke Îran welatanê verênanê ke paşt danê terorîzme ra yew o.