Paytextê Iraqî Bexdad de nêweşxaneyo ke nêweşê Covid-19î tede yenê tedawîkerdene de şewat vejîya.Şewato ke unîteyanê  ciewnîyayîşê giranî de vejîya de tewr tay 82 kesan dinyaya xo bedilnaye û 110 kesî zî birîndar bîyî.

Goreyê çimeyanê asayîş û weşîye şewat rîyê tupanê oksîjenî ra vejîya û heme katanê nêweşxaneyî ra vila bi. Goreyê hukmatî 200 nêweşî ameyî xelisnayene û la bîlançoya zelale a derheqê merde û birîndaran de nêameye dayene. Badê şawetî yo ke yeno vatene ke îxmalî ra vejîyayo bi hashtagê ''Wa wezîrê weşîye îstîfa bikero''  muneqeşeyan dest pêkerd.

Serekwezîr Mustafa Kazimî da zanayene ke cipêrsayîş dîyayo destpêkerdene û vat kesê ke derheqê babete berpirsîyarê karê înan ame vindarneyene û mesuldarî do bêrê muhakemekerdene.