Goreyê donayanê peyênan ê Unîversîteya Johns Hopkinsî pêroyîya dinya de 184 hezar û 640 kesan rîyê vîrusê Korona ra cuya xo vînî kerde û nizdê 2 mîlyon û 650 hezaran kesî zî pê nê janî kewtî.

Goreyê hesabanê AFPyî vîrus 193 welatan ra vila bîyo. Yeno texmînkerdene ke seba ke testî bisinor ê hûmara nêweşan hîna zaf a. Vîrusî tesîro tewr pîl Amerîka û Ewropa ser o kerd. Ewropa de hûmara fermîye ya nêweşan 1 mîlyon 276 hezarî û 161 ya û înan ra 113 hezar û 855 kesan cuya xo vînî kerde.

Amerîka  û Kanada 882 hezar û 814 nêweşî û 48 hezar û 859 merdeyî,

Asya de 182 hezar û 737 nêweşî û 7 hezar û 495 merdeyî,

Amerîkaya Latîne 122 hezar 620 nêweşî û 6 hezar û 166 merdeyî,

Karayîpan de 122 hezar û 620 nêweşî û 6 hezar û 166 merdeyî,

Rajhelato Mîyanên  de 138 hezar û 672 nêweşî û 5 hezar û 992 merdeyî

Afrîka de 25 hezar 796 nêweşî û hezar û 243 merdeyî,

Okyanusya de 7 hezar û 943 nêweşî û 97 merdeyî estê.

Welatanê ke Korona serê înan de zaf tesrî bi rêzkî wina yê: Amerîka, Îtalya, Îspanya, Fransa,Qralîya Yewbîyayîye. Nê welatan zî Tirkîya, Îran, Çîn û Rûsya teqîp kenê. Goreyê cigêrayîşê neweyî Çîn de bîlanço hîna giran a. Reyna Îran de zî goreyê çimeyanê muxalîfan hûmara raşte yena nimitene. Xora Tîrkaya de zî hûmara merdeyan eşkera nîna vatene. Dezgehê komelê sivîlî û weşîye veng danê hukmatî ke raştîyan şarî de pare bikerê û vera janî tedbîran pîtan bigêrê.