Dinya de 50 mîlyon kesan neçarîye ra koç kerd

Keyeyê Çimdarî yê Rewşanê Koçê Zereyî (IDMC) da pêhesnayene ke semedê şer û felaketan ra serra 2019î 50 mîlyon kesan koç kerd.

IDMC û Konseya Multecîyan a Norweçî (NRC) raporê xo yê serrane weşana. Goreyê raporî serra 2019î de tewr tay 33,4 mîlyon kesan welatê xo de koçê cayêkê bînî kerd. Bi nê hewayî hûmara kesanê ke koç kerd bîye 50,8 mîlyon.

Ame vatene ke hûmara multecîyan bîye 26 mîlyon. Goreyê raporî 24,9 mîlyon kesan semedê felaketanê xoza ta welatê xo de koçê cayêkê bînî kerd. Par zî 8,5 mîlyon kesan semedê şerî ra 61 welatan de zereyê welatê xo de koçê cayêkê bînî kerd.