Serekkomarê Afrîkaya Başûrî Cyril Ramaphosayî pare kerd ke bawermend Desmond Tutuyî dinyaya xo bedilnaya.

Tutuyo ke 1999 de Xelata Haştîye ya Nobelî girewtbî, dostê kurdan bi û tim paştî dayêne têkoşînê azadîye yê Kurdîstanî. Tutuyî seba çareserîya meseleya kurdan teşrîna peyêne ya 2012î de Înîsîyatîfê Haştîye yê Mîyanneteweyî îlan kerdbî. Tutuyî 2014 de wextê hêrişanê vera Kobanê de hetê kurdan de ca girewt û beşdarê Konferansê Kurdan ê Parlamentoyê Ewropa bi. Tutuyî rayberîya konferansî zî kerde.

Desmond Tutu aktoranê girîngan ê Kampanyaya 'Wextê ci ameyo' ra yew bi ke seba azadîya Rayberê Şarê Kurdî Abdullah Ocalanî dîyabî destpêkerdene.

Ey tewr peyên nîsana 2021î de morê xo da binê Kampanyaya Haştîye ya Kurdîstanî ke çarçewa kampanya de seba azadîya Ocalanî mektubêke erşawîyabî.