Serkarê Pentagonî Patrîck Shanahanî Dişeme de eşkerayîye daye û da zanayene ke înan qerar dayo ke hezar eskeranê bînan bişawê Rojakewtena Mîyanêne.

Wekîlê Wezîrê Pawitişî Shanahanî ard ziwan ke no tedbîr seba pawitişê eskeranê Amerîka yê herême û pawitişê menfaatanê neteweyîyan ê DYA yo. Shanahanî vat, "DYA, Îranî reyde dimayê agêrayîşê pêkewtişî de nîyo.”

Vervatoxê Wezaretê Karanê Teberî yê DYA Dişeme derheqê Îranî de eşkerayîyêk dabî. Vervatoxî bale ante serê eşkerayîyanê selahîyetdaranê Îranî yê seba zêdekerdişê rezervanê ûranyûmî yê dewlemendkerdeyî û vengdayîş bi welatanê dinya kerdibi ke ‘rayîr nêdê şantajê nukleerî yê Îranî.’

Vervatox Morgan Ortagusî Washîngton de kombîyayîşê çapemenîye viraşt û vat, “Ma cimatê mîyanneteweyî ra vanê; ganî ma rayîr nêdê şantajê nukleerî yê Îranî.”