Serekkomar Lenîn Morenoyî eşkerayîya xo ya na hewte de îlan kerd ke hukmat do çarçeweya reformê bacî ya seba kêmkerdişê vengîye yê butçe de subvansîyonê sotemenîye meydan ra wedare ke 40 serran ra nata vîyartbarîye de yo.

Semedê nê qerarî ra ramitoxanê taksî û kamyonan kuçeyê paytext Quîto padayê. Dima ke wendekar û sendîkayî beşdarê çalakîyan bîyî, înan bendî viraştî û lastîkê wesayîtan vêşnayî. Polîsan pê bombayanê gazî mudaxeleyê çalakgeran kerd û tayê gêncanê ke maske nayê rîyê xo ser, cewab da polîsan. Serekkomar Morenoyî îddîa kerd ke 'seba asayîşê merdiman û astengkerdişê kaosî' înan Rewşa Îstîsnayî îlan kerde.