Endonezya de ferîbote cûm bîye, tewr tay 18 kesî merdî. Goreyê polîsanê Endonezya, keştîye de 60 kesî ra vêşêr kesî estbîyê. Vervatoxê polîsan Frans Barung Mangerayî vat, ê texmîn kenê ke barê keştîye xeylî giran bîyo.

 Vervatoxî vat, “Pêlêko pîl da keştîye ro û noqê awe bi.” Keştîya ke qasê des metreyî derge bîye dimayê qewimîyayîşî hetê masegêran ra amî dîyene. Ame zanayene ke 18 kesan cuya xo kerda vînî ke mîyanê înan de domanî zî estbî. Goreyê hayîdarîyan 39 kesî xelesîyayî, la 4 kesî vînî yê. Selahîyetdaran vat, beno ke bîlanço girantir bo çunke hemeyê raywanê keştîye qeydkerde nêbîyî.