Paytextê Nepalî Katmandu de Forumo Komelkî yê Dinya mabênê 15-19ê sibate de ame kerdene. 

Forum de derheqê babetanê ekonomî, meseleyanê îklîmî, heqanê karkeran, koçberîye, cîyakerîya kaste û cîyakerîya cînsîyetan ser o nîqaşî ameyî kerdene. 91 welatan ra qasê 40 hezar kesî tewrê forumî bîyî. 

Roja diyîne ya forumî de 'Demokrasîyê Radîkalî' ser o xeylêk rêxistinê asyayîjî nameyê Akademîya Modernîteya Demokratîje, Jineolojî û Kongra Starî tewrê nîqaşan bîyî.

Nîqaşan de daşinasnayîşê fikr û felsefeya Rayberê Şarê Kurdî Abdullah Ocalanî balî antî.

Derheqê nînan de broşur û materyalî zî ameyî vilakerdene.

Bername de beşdaran vilawekanê îngilîzkîyan de azadîya Rayberê Şarê Kurdî Abdullah Ocalanî waşte.