Rayberê  artêşa neteweyî ya Lîbya Xelîfe Hafterî vîdeoyêk vila kerd û ard ziwan ke Peymana Suheyratî ya ke binê sîwana Neteweyanê Yewbîyayeyan (NY) de ameye îmzakerdene 'serwerîya ci destî ra şîya.' Hafterî bale ante nawnayîşanê welatî ser û îfade kerd ke şarî reyê xo dayî ey û o zî bîyo rayberê welatî.

Hafterî ard ziwan ke Peymana Suheyratî Lîbya talan kerde û vat: ''Heta ke ma welatê xo nêxelisnê, ma têkoşînê xo dawam bikerê.''

Netîceya komîyayîşê derheqê Lîbya de ke şaristanê Suheyratî yê Fasî de serra 2015î de ame kerdene, peymane ameye îmzakerdene û peymane hetê Konseya Asayîşî ya NYyî ra zî ameye tesdîqkerdene. Goreyê na peymane seba ameyoxî Hukmatê Mutabaqatî yê Neteweyî amebi wezîfedarkerdene.