Iraq de dewêke de 8 sivîlî ameyî qetilkerdene
Dewêka Bexdadî ya Iraqî de hêrişêkê çekdarî de 8 sivîlî ameyî kiştene.
Şaredarê El Halîs Ûday El Hadranî Ajansê xeberan INA rê qisey kerd û vat: ''Komêka terorîste bi motorsîkletan eşt dewa El Bû Balîyî ser.''
El Hedranî dîyar kerd ke hêriş dişeme qewimîyayo û vat: ''Nê dewî de citkarî est ê. Hêriş de 8 kesî kişîyayî û 3 kesî zî birîndar bîyî.''
Dewijan verî seba ke erdê xo vera DAÎŞî bipawê, hêzê milîsan awan kerdbî.
Goreyê çimeyanê asayîşî beno ke hêriş hetê cerganê DAÎŞî ra ameyo kerdene.
Wezîrîya Pawitişî îfade kerd ke înan heyetêk şawito wîlayetê Dîyala ke hêriş tede ameyo kerdene. Roja yewşemeyî zî dormeyê Kerkûkî de hêrişê cerganê DAÎŞî de 9 polîsê Iraqî ameybî kiştene.
