Wezîrîya Karanê Teberî ya Iraqî rîyê hêrişê dewleta tirkî ra zîyaretê Wezîrê Pawitişî yê Tirkî îptal kerd û semedê pêvînayîşî veng da Sersefîrê Tirkî.

Goreyê eşkerayîya Karanê Teberî îdareyê Baxdadî do mektubê protestoyî  bido sersefîrî ke tede bi îfadeyanê huşkan yeno vatane ke Iraq hêrişan û binpaykerdişan red keno.

Sersefîrê Tirkî aşma hezîrane ra bi reya hîrêne ke hetê Wezîrîya Karanê Teberî ra yeno vengdayene.

Hukmatê Baxdadî da zanayene ke ê zîyaretê Wezîrê Pawitişî yê Tirkî yo ke semedê roja panşemeyî ameyo oganîzekerdene nêwazenê.

Serekkomarîya Iraqî zî ard ziwan ke hêrişê dewleta tirke yê roja seşemeyî ke di leşkerê payeberzî yê Iraqî ameyî kiştene, nîno qebulkerdene û veng da ke wa dewleta tirke heme operasyonanê xo yê leşkerî vindarno.