Keyeyê Çimdarîye yê Heqanê Merdiman ê Sûrîye pare kerd ke menga adare de 103 kesî merdî. Goreyê bîlanço tarîxê şerê zereyî yê serra 2011î ra nata Sûrîye de tewr tay na menge de kiştiş qewimîya.
Keyeyê Çimdarîye yê Heqanê Merdiman ê Sûrîye pare kerd ke menga adare de 103 kesî merdî. Goreyê Keyeyê Çimdarîye înan ra 51 kesî pê bomba û bombardumanê rejîmê Sûrîye merdî. Êyê bînî zî teqayîşê mayînan û netîceya 'cînayetan' de merdî.
Menga sibate de Sûrîye de 272 sivîlî merdbî. Welat de tewr zaf menga temmuza 2016î merg estbi ke hezar û 590 sivîlî amebî qetilkerdene. Nê mergî netîceya şerê mabênê rejîmî û komanê çekdaran ê Herêma Helebî de qewimîyayî. Şerê zereyî yê serra 2011î ra nata Sûrîye de 9 serran de 380 hezar kesî merdî.
