Şaristanê Minneapolisî yê DYA de dima ke afro-amerîkanij hetê polîsan ra ame kiştene, nawnayîşanê protestoyî dest pêkerd û şewa hîrêyîne de qereqolêkê polîsan ame vêşnayene.

Şewa panceşemeyî çalakîkeran vera polîsan şer kerd û qereqolo ke tede polîsê kiştoxê George Floydî xebitîyayêne, vêşnaye. Bi hezaran kesî tewrê çalakîyanê vakurê şaristanî bîyî. Tay çalakîkeran zî zor da bendanê verê qereqolî û camî şiknayî.

Polîsan eşkerayîyêke weşanaye û pare kerd ke şewe saete 22 de asayîşê personelan ra bîna ameya vengkerdene. Çalakîyanê protestoyî nêmroje ra dima dest pêkerdbi. Dima ke Geroge Floydo afro-amerîkanij (46) hetê polîsan ra ame kiştene çalakîyan dest pêkerd.

Polîsan wexto ke Floyd dest bend kerdêne, o erdî ser o kerdbi derg û polîsêkî zanîyê xo nabi milê ci ser û bi nê hawayî Floyd xeniqna. Dîmenê serebûtî medyaya komelkîye de bi hawayêkê gandarî weşanîyayî û rixmo ke Floydî vatêne nêeşkeno nefes bigêro polîsî milê ey kerdêne teng.