Ofîsê Enformasyonî yê Fermandarîya Pêroyî ya Artêşa Neteweyî ya Lîbya (ANL) pare kerd ke înan xeylêk depoyê çekan ê hêzanê Hukmatê Mutabaqatê Neteweyî (HMN) îmha kerdî.

ANLyî da zanayene ke înan herêma Kedahîye ya başûrê Bokerînî de tay noqtayan ser o hêrişê hewayî kerd. Eşkerayîye de ame vatene ke nê hêrişê hewayî yê bi nameyê 'Tiyor El Ebabîlî' dewam kenê. Heman wextî de ame parekerdene ke hêrişan de çekê giranî yê ke dewleta tirke hêzanê HMNyî rê erşawitbî ameyî îmhakerdene.

Operasyon de artê Lîbya 2 SÎHAyê dewleta tirke bêzdîyê baregehê hewayî yê El Vatîye de vistê war. Vervatoxê Artêşa Neteweyî ya Lîbya Ahmed El Mismarîyî kombîyayîşê çapemenîye de ard ziwan ke Erdogan û cergê ci yê wazenê Lîbya parçe bikerê seba înan surprîzanê pîlan estê.