Vîrusê Korona ke Çîn de vejîya werte û helêke de xeylêk welatan ra vila bi Îran de gangirwtiş û vilabîyayîşî rê dewam keno.

Goreyê eşkerayîya Berpirsîyarê Tekîlîyanê Şarî yê Wezîrîya Weşîye ya Îranî Kiyanuş Cihanpur Îran de hûmara kesanê ke netîceya vîrusê Korona de merdî bîye 34 û 388 kesan de vîrus ame tesbîtkerdene. Gihanpûr da zanayene ke vakayê tewr zafî Tehran û Gîlan de estê û kesê ke exleb vîrus ravêto înan  50 serre yê û êyê ke merdê 60 serre yê.

Ame vatene ke hetkarê Serekkomarê Îranî û xeylêk parlamenteran de zî vîrus ame tespîtkerdene. Dima ke selahîyetdaran de vîrus ame tesbîtkerdene Parlamentoyê Îranî mabên da karanê xo. Vervatoxê Parlametoyê Îranî Esedullah Abbasî da zanayene ke wezîrîya partlamentoyî heme roniştişê xo îptal kerdî.