Wezîrê Karanê Teberî yê DYA Mike Pompeo zîyaretê Tirkîya ra verî Serekkomarê Fransa Emmanuel Macronî reyde ronişt. Pompeiyî rojnameyê Le Figaro yê Fransa rê qisey kerd û vat: ''Mi û Macronî ma derheqê çalakîyanê agresîfan ê Tirkîya de nîqaşî kerdî.''

Pompeoyî bale ante paştdayîşê Tirkîya yê seba Azerbaycanî û erşawitişê cerganê Sûrîye ser. Pompeoyî vat: ''Ma qala têgêrayîşê Tirkîya ser o qisey kerd ke hêzê hîreyînî erşawitî Lîbya û Dengizê Sipî. Mîyannetewebîyayîşê şerê Lîbya zerar dano welatan. Heman hêzî Azerbaycan de zî şuxilîyayî. Coka çi rûs çi tirk ma venga pêro welatan danê ke Lîbya wa war verdê.''

Pompeoyî pare kerd ke Ewropa û DYA seba ke Erdogan îqna bikerê nê çalakîyî ci rê fayde nêkenê ganî pîya bixebitê.