Paytextê Iraqî Bexdad de mîyanê hîrê rojan de reya diyêne adir kewt Meydanê Teyarayan ê Iraqî. Şewato ke şewdirê pancşemeyî de dest pêkerdo, tesîrê termînalê 'Ninive' û xeylêk wesayîtan kerd.

Serekwezîr Muhammed Şîa El Sudanî seba cigêrayîşê sebebê şewatî şi cayê serebûtî. Goreyê eşkerayîya Serekwezîrîye tîmanê Pawitişê Sivîlî şewatê Ninive hewna kerd.

Ame parekerdene ke şewat de zerar nêresayo çewî. Roja sêşemeyî zî adir kewtbi beşêkê Meydanê Teyarayan û 3 kesî bi şenikî birîndar bibî.