Donald Trumpî serê hesabê xo yê Twîtterî ra vat, hemverê bacdayîşê serê sektorê teknolojîya berze ya Amerîka (GAFA) ê do cewabêk bidê.

 Trumpî vat, “Fransa baca dijîtale daye serê şîrketanê ma yê pîlan ê teknolojîye yê Amerîka. Eke hetêk esto ke do înan ra bace bigêro no welatê înan o esil DYA yo.”

Trumpî vat, “dimayê ehmeqîya Macronî ra ma do çalakîyêka xase hemverê nê de virazê. Mi tim vato, şerabê Amerîka yê Fransa ra rindêr o.” Qerarê Trumpî ra çend deqeyan dima wezîrê Ekonomî yê Fransa Brûno Le Maîreyî vat, ‘Fransa do qeraranê xo yê neteweyîyan bica bîyaro” û vat, “backerdişo unîversal ê serê xebatanê dîjîtalan ma heminan eleqedar keno. Ma wazenê çarçewaya G7 û OECD de peymanêk virazê. Gama ke ma paweyê nê yê Fransa do qeraranê xo yê neteweyîyan bica bîyaro.” Parlamentoyê Fransa 11’ê Temmuze bacdayîşê serê şîrketanê pîlan ê înternetî tesdîq kerd û nê wareyî de bibi welato sereke. Qanûn pîya bi GAFA xeylî şîrketanê mîyanneteweyîyanê ke bi nêdayîşê bace yenê sûcdarkerdene zî xo de hewêneno.