Mudirê Pêroyî yê WHOyî vat: “Nika destê mi de xîretê baş estê ke eşkenê bibê derzîn. Înan ra hewt, heşt derzînî hol ê. Labelê seba peydakerdişê derzînî tewr tay 100 xîretî estê. Ma nika giranîye danê çend heban. Netîceyê holî do înan ra bivejîyê.”

Mudirê WHOyî eşkera nêkerd ke qala kamyew derzînî keno û da zanayene ke pê hetkarîya qasê 7.4 mîlyar euro yê 40 welatan înan karê xo zêdînayî. Mudirî îfade kerd ke WHO menga çeleyî ra nata seba peydakerdişê derzînî xebitîyeno.