Yemen de domanî mirenê NY fonan zî arê nêdano

Rîyê şerê zereyî ra Yemen de bi mîlyonan domanî vêşan û nêweş ê, komelo mîyanneteweyî hetkarîye nêano pêser.

2014î ra ra nata Yemen de şerê zereyî esto û goreyê Neteweyanê Yewbîyayeyan (NY) şer rayîrê krîzê tewr giranî yê merdimîye akerd. Serra 2017î ra nata Yemen de nufusê 28 mîlyonî ra se ra 80î hewceyê hetkarîya merdimîye yo. Welat de tewr zaf domanî mîyanê rewşêka xirabe de yê.

Şerê zereyî yê Yemenî de heta nija bi des hezaran sivîlî merdî û kampanê multecîyan ê cîyayan de zî 3,3 mîlyon kesî ciwîyenê. Kampan de awanîyêka zixme zî çin a. Mîyanê nê merdiman de bi mîlyonan domanî estê.

Goreyê doneyanê UNICEFî yê NYyî 2,4 mîlyon domanê ke serra înan 5î ra qijêr ê, vêşanî û nêweşîyê sey Korona de têrî yê.  

NYyî dabi zanayene ke seba Yemen tewr tay 2,4 mîlyar dolar hewce yo la heta nika têna 1 mîlyar û 350 mîlyon dolar ame arêdayene.