Gerîlayanê YJA Starî Diljîne Rûken û Nûda Çekdar ke Hemleya 15ê Tebaxe pîroz kerde û hîsê xo yê derheqê hemle de ardî ziwan.

Diljîne Rûken Roşanê Ganîbîyayîşî pîroz kerd û nê vatî: ''Serkêşîya embaz Egîdî de Erûh de guleyo verên ame eştene, çalakîya verêne ameye kerdene. No guleyo verên o ke hetê gerîlayan ra ame eşteme vengê azadîya şarê kurdî bi, vengê xoverdayoxanê zîndanî bi, vengê embaz Mazlûm, embaz Hayrî û heval Kemalan bi,cinîyê ke Kurdîstan de têşanê azadîye yê, vengê înan bi. Şarê Kurdîstanî bêtersî goştarîya nê vengî kerd. Ma ewro  bi hêzê ke Rayberîye û şehîdanê xo ra girewto, Metîna, Zap û Avaşîn de bi hêvîye û xoverdayîşê xurtî vera dişmenî şer kenê. Xeylêk cayanê bînan ê Kurdîstanî de gerîlayî şerê azadîye rayra benê. Waştişê ma yo tewr pîl oyo ke ma Rayberîya xo hetê fîzîkî azad bikerê. Qet hêzêk nêeşkeno vera îradeyî vindero. Gerîlayê Kurdîstanî heme heme her roje çalakîye kenê. Leşkerê tirkan do meeşkê koyanê Kurdîstanî de bimanê. Ya peyser şinê, ya zî mirenî. Ma do ser bikewê.''

Nûda Çekdar zî nê vatî: ''Îdelojîya Rayberîya ma û Hemleya 15ê Tebaxe Kurdîstan de ruhêko newe vet werte, no ruh bi sembolê averşîyayîşê îradeyê azadî. No ruh xora bi ruhê 14ê Temmuze vejîya werte. Artêşa tirke ya faşîste tim bi şerê taybetî û teknîkî kena ke gerîlayanê Kurdîstanî biqedîno la nêeşkena bireso nê hedefê xo. Çunke şarê Kurdîstanî hinî îrade û hêzê xo zano. Qet hêzêk nêeşkeno nê ruhî çîn bikero. Gerîlayanê Kurdîstanî heme raştîya dewlete û artêşa tirkî vetê werte.  Dewleta tirke ya ke heme ekonomîya xo semedê şerî xerc kena do çirey ser mekewo. PKK bîyo hêvîya şaranê bindestan ê dinya. Gerîlayê Azadîye yê Kurdîstanî bi îradeyê pîlî xover danê. Ma do ser bikewê.''