Çalakîya ke hetê Tifaqa Femînîstanê Enternasyonalîstan ra, ke mîyanê Meclîsê Cinîyan ê Berlînî yê DESTDAN’î, Meclîsê Cinîyan ê Edesa û Yewîya Cinîyan ê Sosyalîstan zî estê, ameya organîzkerdene, Kreuzberg Heînrîchplatz de ameye viraştene.

Çalakîya ke bi vengdayîşê “Ma qîrayîşê dayîkan rê bibê veng”ameye viraştene de aleyê TJK-E û fotografê çalakwananê rojeyê mergî ameyî akerdene.

Çalakîya girseyî de sloganê “Cinîye Cuye Azadîye”, “Biciwîyo paştdayîşê şorişgêrîye” ameyî qîrayene.

Wextê viraştişê çalakîye de ame vatene, grevê vêşanîye yo ke Leyla Guvene seba tecrîdê serê Rayberê Şarê Kurdî Abdullah Ocalanî bêro wedaritene dayo destpêkerdene, resto prosesêk ke xoverdayoxî şehîd bibê.

Çalakîye de ame vatene ke rîyê bêvengîya YE, CPT û dezgehanê rayapêroyî ra keyeyanê girewteyan her çî girewto verê çiman û vernîya hepisxaneyan de çalakîyan kenê û ame vatene, “Ma hêrişanê dewleta Tirkî yê vera keyeyanê girewteyan, hêrişanê hovane û girewtişan şermezar kenê. Ma vengdayîş bi heme zerrîwazanê heqê merdiman û azadîye ra kenê ke lezabez veng bidê vengê dayîkan.”