Endama Koordînasyonê KJKyî Çîgdeme Dogu serrgêra diyîne ya serewedaritişê 'Jin, Jiyan, Azadî', qetilkerdişê Narîne Guran û Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ya 10ê Teşrîna Verêne Medya Haber TVyî rê ercnayî.

Qiseykerdişê Çîgdeme Dogu ra tay noqtayê girîngî wina yê:

''Tirkîya de qirkerdişê vera cinîyan resayî asta tewr berze û bi qetilkerdişê Narîna qije zî na babete newe ra bîya rojdemê her kesî. Hûmara serebûtanê tacîz, tecawuz û kişîyayîşê domanan ê Tirkîya 2023 de 250 hezar bîye. Na seke bîlançoyêka şerî ya.

Vera cinîyan şerêk yeno kerdene la vra domanan zî şerêko cidî est o. Dewleta tirke vera ma zî şer kena. Wexto ke merdimî bala xo dano bîlançoya nê şerî zî hûmarêka winayêne çin a. Bi taybetî qetilkerdişê domanan rewşêka cidî ya. Bi qetilkerdişê Narîn no çi hîna zaf ame dîyene. Kişîyayîşê domanêka 8 serrî de çîyêko newe nîyo. Agirî de Leyla, Rabîa Naz est bîyê. Sey nînan bi hezaran domanî tim rojdem de yê. Ganî merdimî nînan xo vîr a nêkerê.

Çalakîyanê seba Narîne de sloganê 'Jin, Jiyan, Azadî' ame  qîrayene. No zaf manadar o. Ganî bi serewedaritişê Jin, Jiyan, Azadî cewabê pêro cînayetan bêro dayene. Oyo raşt ruhê xopawitişî yo. Pawitişê xo yo, pawitişê domanan o. Pawitişê cinîyan o. Nika pêro cînayetê vera cinî û domanan polîtîk ê. Erdogan xora bi xo vano ke wa kişîyayîşê Narîne nêro polîtîkkrene. La wina yo û gabnî vra ney têkoşînêko polîtîk û xopawitişî bêro kerdene. Vera îtîfaqê gemarinî ganî ma têkoşînî pîlêr bikerê. 

Qiseyê 'Jin, Jiyan, Azadî' Kurdîstanî ra dest pêkerd. Vejîyayîşê PKKyî, vejîyayîşê Rayber Apoyî kurdîstanî yo. Raştîya nê serewedaritişî bi azadîya cinîyan de eleqedar o. Mîsak Rayber Apoyî hema domanîya xo de zewijnayîşê domanan qebul nêkerdêne. Serewedaritişê Rayber Apoyî yo verên no bi. 

'Jin, Jiyan, Azadî' hîrê çeku y,ê la newe ra vejîyayîşî îfade keno. Seba serewedaritişî vengdayîş o. Coka zaf radîkal o. Rayber Apo naye ra 26 serrî yo binê tecrîdî de yo. Çunke o azadîya cinîyan paweno. 

Hemleya Rayberîye dewam kena. Ganî na hemle hîna bi radîkal biba, hîna xurt biba, ruhê srewedaritişî pîlêr bikera.  Ganî ma bizanê ke sîstem kamyew polîtîkayan ferz keno û ganî ma goreyê ney têbigêrê. Ganî ma Hemleya Azadîye ya 10ê Teşrîna  Verêne bi ruhê serewedaritişî û seferberî bîyarê ca. Wex wextê ci yo ke xeta serewedaritoxe ya Rayber Apoyî de ma sere wedarnê. 

Sîstemê serdestîya camêrdan bi taybetî Tirkîya de xo binî ra rêxistin keno. Mîyanê komelî de camêrdê hemkarî û ajanî yenê afernayene. Tirkîya de camêrdo ke qikrdişan keno Erdogan o. Erdogan îradeyê komelî û cinîyan nêşinasneno. Coka cînayet û sûcê vera cinî û domanan bêceza manenê. Goreyê doneeyan 29 hezar sûcdarî teberî ra gêrenê. Îqtîdar û dewlete bi çete, mafya, serek û partîyanê sey Huda-Parî ney kenê. Coka Rayber Apoyî hetê zanayîşî ra çimeyê ma yo. Naye ra zî dişmen Rayber Apoyî ra terseno. Ruhê Rayber Apoyî ruhê serewedaritişî yo.

Ez Hemleya Azadîye ya 10ê Teşrîna Verêne selam kena. Hem dinya de hem zî parçeyanê Kurdîstanî de cinîyan û şarê kurdî na hemle bi serkewtişî arde ca. Na hemle hinî xetan û sînoran nêşinasnena. Hinî tecrîdê Îmraliyî nêno qebulkerdene. Ganî ma plansazîya xo hîna zaf bi rêxistin bikerê û bikerê ke dişmen gamêke bierzo. No erkê ma yo bingeyî yo. Ganî ma bi raştîya 'Jin, Jiyan, Azadî' na hemle pîlêr bikerê.

Îmrali sîstemêkê teberê merdimatîye yo. Çimeyê pêro xirabîyan Îmrali yo. O çax ganî ma gamanê winayênan bierzê ke Komployê Mîyanneteweyî û rejîmê Îmraliyî bin bikerê, têkoşîn û çalakîyanê xo radîkalêr bikerê. Ez venga pêro cinîyan dana ke têkoşînê hîna xurt û pîlêrî bikerê.''