Fermandarîya Yewîyanê Pawitişî ya Cinîyan (YPJ) da pêhesnayene ke Vejîne Jîyana (Hicran Ecuz) ke 27ê temmuze de netîceya qezayî de birîndar bibî, 7ê tebaxe de şehîde bîye. Eşkerayîye de nê ameyî parekerdene:

 ''Cinîyê Botanî tim têkoşînê azadîye yê kurdan de rolê serkêşî kay kenê. No ruhê têkoşînî yo bimbarek sey tradîsyonî rasayo roja ma. Hemraya ma Vejîne Jîyan serra 2000î keyeyêkê welatperwerî yê Cizîra Botanî de ameye dinya. Bado ke dewleta tirke 2015 de wextê xoverdayîşê xoîdarekerdişî yê Vakurê Kurdîstanî de bi hewayêkê barbarî hêrişê Cizîra Botanî kerd, hemraya ma Vejîne vera nê hêrişan vejîyayî û 2016 de tewrê refanê YPJyî bîye û bi perwerde da bi seyan ciwanan. Dima têkoşînê azadîye de xeylêk wezîfeyê muhîmî girewtî xo ser û refanê şorişî de bîye temsîlkarê ruhê fedayîyî.

Hemraya ma Vejîne Jîyan 27ê temmuze de Hesekê de pîya bi hemrayanê xo Avaşîne Cûdî, Hîba Hesekê, Bêrîvane Hesekê,  Dilare Kobanê  û Şêrîn Elî qezayêk ravîyarna û birîndar bîye. Rixmê heme mudaxaleyan hemraya ma Vejîne Jîyan nêameye xelisnayene û 7 tebaxe de şehîde bîye. Sere de keyeyê ci yo erjîyaye wa sereyê heme şarê ma yê welatperwerî weş bo. Ma reyna sozê xo newe kenê ke ma do sey YPJyî wayîrê keda şehîdan bivejîyê û heta azadkerdişê welatê xo têkoşîn bikerê.''

Nasnameyê şervana ke şehîd bîye wina yo:

Nameyê Qodî: Vejîne Jîyan

Name û Peyname: Hicrane Ecuz

Nameyê Dayîke: Newroze

Nameyê Babîyî: Behrem

Tarîx û Cayê Bîyayîşî: 2000,Cîzra Botan

Tarîx û Cayê Şehadetî:  07.08.2023, Hesekê