Têgêrayîşê Cinîyan ê Azadan (TJA) bi şîarê Bi Jin Jiyan Azadî, Ver bi Azadîye'  kampanyayêke dabî destpêkerdene. Kampanya do heta 8ê Adare Roja Cinîyan, 6 mengan dewam bikera. 

Aktîvîsta TJA ya Riha Fatîme Sîlgîr derheqê kampanyaya înan de ANFyî rê qisey kerd. 

Fatîme pare kerd ke ê wazenê kampanyaya xo biresnê pêro cinîyan û mîyanê komelî de cinîyan bi hêzî bikerê. Fatîme vat: ''Ma vanê ke cinîyî mîyanê komelî û keyeyanê xo de teyna nîyê. Seba ke cinîyî bi kulturê xo biciwîyê, serkêşîya komelî bikerê, bibê hêzê têkoşînî yê esasî û dejenerê nêbê ma na kampanya daye destpêkerdene.''

Fatîme derheqê bernameyê çalakîyanê xo de wina qisey kerd: ''Ma do seba 25ê Teşrîna Peyêne Roja Têkoşînê Vera Şîdetê Serê Cinîyan karê xurtkerdişê dîyalogan bikerê. Seba yadkerdişê embaze Sara, Rojbîne û Ronahî 9ê çeleyî de ma do pratîkanê înan cinîyan de pare bikerê. Ma do keyeyan de cinîyan de bêrê têhet. Ma do 8ê Adare bi hawayêkê tewr qerebalixî fîraz bikerê û xo biresnê her kesî. Weçînayîşanê herêmîyan de zî ma do bi rolêkê tesîrî têbigêrê. Ma do bi xurtî tewrê çalakîyanê Newroze bibê.

Sey cinîyanê Riha ma venga pêro cinîyan danê ke cuyêka newîye awan bikerê. Azadîya komelî pê azadîya cinîyan bena. Vera her tewirê şîdetî ma têkoşînê xo yê hemparî pîl bikerê. Cinîyî pê têkoşînî rind benê.''