Taxa Kaynartepe ya qezaya Baglarî ya Amedî de, cinîyî ameyî têhet û seba wedaritişê tecrîdkerdişê Rayberê Şarê Kurdî Abdullah Ocalanî rayraşîyayîş viraşt. Cinîyan bale ante serê xoverdayîşê grevê vêşanîye û veng da ke wa her kes grevê vêşanîye ra wayîr bivejîyo. Cinîyan bi çepik û tilîlîyan dest bi rayraşîyayîşî kerd û sloganê "Leyla Guvene rûmeta ma ya" û "Amed mekewe ra, zîdanan ra wayîr bivejîye” ameyî qîrîyayene.