Basel de cinîyan ra seba Guvene çalakî
Basel de cinîyan seba paştîdayîşê Leyla Guvena ke 62 rojî yê semedê wedartişê tecrîdê girankerdeyî yê serê Rayberê Şarê Kurdî Abdullah Ocalanî grevê vêşanîye de ya çalakîya bêvengîye viraşte.
Şaristanê Baselî yê Swîsre de seba paştîdayîşê hemsereka KCDyî û parlamentera HDPyî ya Colemêrgî Leyla Guvene hetê cinîyan ra çalakîya bêvengîye amî viraştene.
Çalakîya ke serkêşîya Meclîsê Cinîyan a Ronahî de amî viraştene vernîya Parlamentoya Kantonê Bernî de amî organîzekerdene. Cinîyan fekê xo bi bandê sîyayî girewtî û bêvengîya Parlamentoya Ewropa, Konseya Ewropa û CPT protesto kerde.
Çalakîya ke tede pankartê “Yew maye, yew cinî, yew parlamentere, yew qasida aşitîye 61 rojî yê hemverê tecrîdî de grevê vêşanîye de ya” ameyî kiriştene 1 saet dewam kerde. Çalakîye de vilawekê Almankî ameyî vilakerdene.
Cinîyî do ewro zî çalakî virazê.
