Hemsereka verên a Partîya Demokratîke ya Şaran (HDP) ya Mûşî Muhlîse Karaguzela ke sey rehîne yena tepiştene, cezaya 8 serran û aşmêke dîyaye ci.

Roşniştişê qerarî yê dewaya Muhlîse Karaguzel ya ke bi îdîya ''endamîya rêxistine'' yena hukmkerdene, Mehkemaya Cezaya Girane ya 2ine ya Mûşî de ame kerdene. Tepişteya 59 serre û nêweşe Karaguzel  Zîndanê Bunyanî yê Kayserî ra bi sîstemê SEGBİSî tewrê roniştişî bîye. Parlementera HDPyî ya Mûşî Gulîstane Kiliç Koçyîqît zî tewrê ci bîye. Heyetê mehkeme bi îdîya ''endamîya rêxistine'' cezaya 8 serran û aşmêke dîyaye Karaguzel û qerarê dewamê rehîneyîye girewt.