Goreyê xebera ANF’yî ya ke menga Çele de amebî weşnayene, dewa Akocakî ya ke girêdayîya qezaya Gaverî ya Colemêrgî de cinîya 22 serrîye 15 Çele de nêweş kewtebî û amebî berdene bi nêweşxaneyê Dewlete yê Geverî. Cinîya ciwane bi mudaxeleyan amebî ra xo, doxtorî ardibi ziwan ke cinîye merûzê hêrişê cinsî yê Umît Yalçintunayî bîya û qorîcî amebi destbendkerdene.

Bir zor qorîcî reyde ameye zewajnayene

Qorîcî Umît Yalçintuna bado ame verdayene û rîyê tehdîtanê qorîcîyan ra, F.Y bi zor Yalçintunayî reyde ameye zewajnayene. Dimayê pêhesîyayîşê serebutî, merdimanê F.Y wina vatîbî: “Serekê qorîcîyan tehdît bi ma kerdêne, vatêne gerreyê xo apey biancê.  Ma ra vatêne peyê mi de dewlete esta. La ma do gerreyî ra fek nêverda ra. Nika Yalçintuna ameyo destbendkerdene û qesawetê ma o yo ke serbest bêro verdayene.”

Bi zextan ameye kiştene

Rixmê heme astengîyan zî  F.Y bîye hemsera çarin a qorîcî Yalçintunayî. Pîyê Umît Yalçintunayî yo ke serekê qorîcîyan o nêwaşt lajê ci F.Y reyde bizewejîyo. F.Y vizêrî saetanê şodirî de xo kişt. Qorîcîyan ard ziwan ke F.Y rîyê krîzê zerrî ra merda. Labelê merdimanê F.Y ard ziwan ke F.Y  bi zextan ameye kiştene û ci de qet nîyan krîzê zerrî çin o.