Rabîa Biyikli ya tepişteye ya ke Zîndanê Cinîyan ê Kayserî yê Girewteyî de ya bi mektubêk da eşnawitene ke gama ke a Zîndanê Cinîyan ê Xarpêtî yê Girewteyî de mendêne destê ci kelemçekerde û bi biryeyanê viraşteyan derguşa xo arda dinya û îşkeceyo ke anto da zanayene.

Biyikliya ke gama ke nêweşa qijan bîya Bûrsa de ameye destbendkerdene û rixmê 5 mengan diganbîyayîşî 10 rojî binê nazeretî de menda, aye nê pare kerdî: ‘‘Wextê  nezaretî de tay mendibi ke ez derguşa xo vînî bikerî. Gonîbîyayîşê mi estbi la rixmê naye înan ez ê şertan de tepişta û îşkence kerda. Bado zî ez bi ê halê xo ya ameya berdene bi Dêrsim, ûca de zî 5 rojî binê nezaretî de menda û dima zî Zîndanê Xarpêtî de ameya cakerdene. Nika ez wazena ke îşkenceyo ke mi keynaya xo ya pîya anto bidî zanayene. Wa her kes bizano ke zîndanan de senî dejî yenê antene û heme heqê esasî yê merdimî yenê xespkerdene.

Rîyê kelemçeyan ra wextê diganîya xo de mi kontrelê xo binîzamî nêkerdî. Wextê dinyaardişê derguşa xo de ez 2 rojî nêweşxane de menda. Nê di rojan de bi kelemçe cilan rê ameya giredayene. Înan di rojî bireyê viraşteyî dayî mi. Derguşa mi nê şertan de çimê xo dinya rê akerdî. Asmêno kewe yo ke sey azadîye yo nê têlanê zîndanî a pawitêne. Hema ke derguşa mi 38 rojî bî ma Zîndanê Xarpêtî ra surgunê Zîndanê Kayserî bîyê. No semedê ma zehmetîya verêne nêbî la ez eşkena vajî ke zehmetîya ma ya tewr girane bî. Ez qêmîş nêbîyêne ke aye cilanê ci ra vejî ke ma xo ringo bi yew wade de dî. Hema cayê deştişê mi yê sezeryanî weş nêbîbî. Doktora Zîndanê Xarpêtî Duygu Ozçîne raporê sewqî da û semedê surgînî qe yew sebeb çinê bi. Ringo ke sey tabûtî bi ez bi nêweşîya xo û derguşa xo ya 38 rojî nêeşkayêne xo bileqnî. Ma zaf tengayî ante. Mavî nika 46 rojî ya û rixmê tarîtîya ke welat û dinya ci ra ravêrene nameyê aye Mavî yo.  Çîyê ke ma antê, wa dayîk û derguşê bînî meancê. Coka mi nê şima de pare kerdî.‘‘