Platformê Cinîyan ê Dîcle Amedî (DAKAP) û Torra Têkoşînê Vera Şîdetî ya Amedî Sûrê Amedî de derheqê zêdîyayîşê şîdetê vera cinîyan de eşkerayîyêke daye. Hemsereka DEM Partî ya Amedî Pinare Sakik Tekîn, Hemşaredarê qezayanê Amedî û xeylêk cinîyî tewrê eşkerayîye bîyî.

Endama Komeleya Cinîyan a Rosa Esra Çîçek eşkerayîye wende. Esra da zanayene ke kişîyayîşê cinîyan zêdîyenê û vat: ''Wexto ke babete bena heq û cuya cinîyan mekanîzma bêtesîr manena. Ma ney Gulîstan Doku, Rojvelat Kizmaz, Amîne Sevînç û Leyla Demîr ra zanenê. Polîtîkayê dewlete goreyê herêman vurîyenê. Coka ewro Şirnex de çawişêko pispor bi cesaretê polîtîkaya bêcezaverdayîşî têgêreno û cinîyan tacîz keno.

Têkoşînê ma yê vera polîtîkayanê şerê taybetî do tim dewam bikero. Ma venga pêro cinîyan danê ke tewrê nê têkoşînî bibê.''