118 çalakwanê rêxistinanê cinîyan ê welatanê ke nufusê înan zafêrî Musluman ê, mektubêk lîderanê  48 welatan rê şawitî û zext, îşkence û tepîştişê ke vera mûxalîfan yenê kerdene şermezar kerdî.

Hewteyê Cimatî Sîvîlî yê Mîyanneteweyî paytextê Sirbîstanî yê Belgradî de hîna dewam keno. Çalakwanan mektubêk nuşte û derheqê zextanê ke çalakwananê cinîyan ser o yenê kerdene de nîyadayîşê xo nuştî. Çalakwanan îşkene şermezar kerd û waşt, çalakwanê ke ameyê tepîştene cade bêrê verdayene.

Mektube hetê rêxistinanê cimatî yê sîvîlan ê bi nameyê ‘Têduştîye nika û Musawah' ameye nuştene, bale ante serê zêdebîyayîşê zextanê Erebîstana Siûdî.

Erebîstanê Siûdî de kesê bi nameyê Loujain Al-Hathloule, Hatoon Al-Fassî, Azîza Al-Yousefe, Eman Al-Nafjane, Nouf Abdelazîze, Samar Badawî, Nassima Al-Sadahe, Amal Al-Harbî û Shadan Al-Anezî tepîşte yê, hukmat cinîyan bi îdîaya ‘Vera asayîş, aramî û yewîya qralîyetî de xebatan koordîneyan kenê’ sucdar keno.

Goreyê huqûqê Siûdî 20 serrî ra heta cazaya mergî zî cinîyan rê yenê birnayene.

Mektube hukmatanê 48 welatan rê ameye şawitene ke Iraq, Çad, Qûweyt, Bahreyn, Nîjerya, Sûdan, Îran, Maldîv, Nîjer, Tûnis, Tirkîya, Erebîstana Siûdî û Mîreyîyê Ereban zî mîyan de estê.  Mektube de ama vatene, “Ma; ke dinyaya Îslamî ra 100 ra zêdeyî rêxistinê heqanê cinîyan û heqanê merdiman temsîl kenê, ma semedê zextê ke pawitoxanê heqanê cinîyan ra yenê kerdene ra bifikar ê.”