Grevê vêşanîye yê hemsereka KCDyî û parlamentera HDPyî ya Colemêrgî Leyla Guvene ke seba wedartişê tecrîdê serê Ocalanî dabi destpêkerdene roja xo ya 66ine de dewam keno, hetêna ra çalakîya Guvene rê wareyê mîyanneteweyî ra mesajê paştîdayîşî yenê. Tewr peynî Yewîya Cinîyan a Dîyalektîke ya Mîyanneteweyîye seba Leyla Guvene mesajê paştîdayîşî weşana. 

‘TECRÎDÎ RÊ PEYNÎYE, LEYLA RÊ AZADÎYE!’

Mesajo ke bi sernameyê “Leyla rê Azadîye” ame weşanayene de ame vatene ke “Ma paştî danê waştişê Leyla Guvene yê wedartişê tecrîdê serê birêz Ocalanî.

Ma nizd ra şopnenê ke hemrayê ma yê cinîyî yê Tirkîya yenê tepiştene, rastê îşkenceyî yenê û bi îdîayanê bêbingeyan yenê dadgerkerdene. Ma cinîyî hemverê nê halî de û sebebanê ke Leyla ver bi nê viraştişê na çalakîye berdo hêrsê xo anê ziwan.”   

 ‘BÊ LEYLA MA YEWE KEMÎ YÊ’

Peynîya mesajî de nê ameyî îfadekerdene: “Ma sey cinîyê ke Leyla dir wayîrê heman cuye û mucadeleyê heman îdîa yê wazenê ke dinyayêk ke her kesî rê seypê ya biafernê. Ma zaf rind zanê ke do dinya bi mucadeleyê Leyla, yanî yê cinîyan bivurîyo. Ganî ma mekerê xo vîr ra ke mucadeleyê cinîyan ê bê Leyla yena manaya yewe kemî ya! Ganî Leyla biciwîyo, Jin Jiyan Azadî!”