Heyetê Îdareyanê Herêmîyan ê HDPyî Tîyatroyê Şaristanî yê Amedî de panelê bi nameyê 'Texrîbatê ke qeyûmî waranê cinîyan de kerdo û awankerdişê xeta têkoşînê hemparî' keno. Vervatoxa Meclîsê Cinîyan ê HDPyî Ayşe Acar Başaran, hemşaredarê cinîyê ke dest nîyabi wezîfeyanê înan ser, Hemsereka TUMBEL-SENî ya Amedî Nîhale Yanik, Koordînatora SAMERî Yuksele Genç, Hemşaredara verêne ya Akdenîzî Yuksele Mutlu, Endama Heyetê Rayberdişî ya Komeleya Cinîyan a Rosa Elîfe Tîrenç Îpek, Komelaya Heqanê Merdiman ra Zelale Aymen û Tîyatroyê Şaristanî yê Amedî ra Elvane Koçer tewrê panelî bîyî.

Aktîvîstê TJA, Hemsereka Pêroyî ya DBPyî Salîha Aydenîz, Komeleya Cinîyan a Rosa, Sereka Pêroyî ya KADAVî Ayşe Yetmen, rojnamegere Ayşe Duzkan zî tede xeylêk aktîvîstî panel de amade bîyî.

Ayşe Acar Başaran panel de qisey kerd û pare kerd ke wextê qeyûmî de şaredarîye bîya qereqolî. Başarane îfade kerd ke qeyûmî wexto ke dest pê karî kerd verî dezgehê cinîyan kerdî hedef û vat: ''Polîtîkaya qeyûmî netîceya polîtîkayanê îqtîdarî ya. Îtîfaqê AKP-MHPyî bi ferasetê serdestîya camêrdan têgêreno. Înan bi rejîmê qeyûmî waşt ke perspektîfê xo yê îdeolojîkî herême de ronê. Cinîyan dezgehanê şaredarîyanê ma de xo asayî hîs kerdêne. Ganî cinîyî vera nê kerdişan mekanîzmayanê têkoşînê hemparî awan bikerê. Ganî ma partîyanê bînan de nê vurîyayîşî bikerê. Xeta têkoşînê hemparî do bimojna ke têkoşînê cinîyan do senî bivurno.''

Panel pê qiseykerdişan dewam keno.