Welatanê cîya-cîyayan ê dinya de cinîyan ê kurdan pê şayî û çalakîyan 8ê Adare Roja Cinîyan ê Kedkaran a Dinya fîraz kerde.

Erîvan

Paytextê Armenîstanî Erîvan de rayberîya Yewîya Cinîyan ê Azadan de pê şayîyêke 8ê Adare ame fîrazkerdene. Şayîye de camêrdan cinîyan rê gulî vila kerdî.

Sydney

Şaristanê Sydneyî yê Avusturalya de Komîteya Cinîyan ê Merkezê Komelê Demokratîkî yê Kurdan şayîyêke serûber kerde. Xeylêk cinîyî tewrê şayîye bîyî.  Şayîye pê slogan û govendan qedîyaye.

Wilhelmshaven

Cinîyan rayberîya Meclîsê Cinîyan ê Zelale de vera hêrişanê dewleta tirke çalakîyêke kerde. Çalakîye pê sloganan qedîyaye.

Melbourn

Şaristanê Melbournî yê Avusturalya de rayberîya komeleya Cinîyan de şayîyêke ameye kerdene.  Şayîye de domanî kincê tradîsyonelî dayî xo rê û şîîrî ameyî wendene.

Karlstade

Cinîyî şaristanê Karlstade yê Swêdî de vejîyayî meydanan û pê çalakîyêke 8ê Adare fîraz kerd.ç Çalakîye pê sloganê 'Cinîye, Cuye, Azadîye' qedîyaye.

Nurnberg

Şaristanê Nurnbergî yê Almanya de cinîyan ê kurdan pê beşdarîya cinîyan ê almanan çalakîya rayraşîyayîşî kerde. Cinîyan çalakîye de kincê tradîsyonelî dayî xo rê û çarçewa Kampanyaya 'Muhakemekerdişê Dîktatorî' de îmzayî arê dayî.