Çalakî û aktîvîteyê cinîyan ê 25ê Teşrîna Peyêne Roja Têkoşînê Vera Şîdetê Serê Cinîyan ya Dinya dewam kenê.

Qezaya Artuklu ya Merdînî de endamanê TJA û Meclîsê Cinîyan ê HDPyî çarçewa kampanyaya Ma Xo Pawenê de  bi balonan fotografê cinîyan ê ke hetê camêrdan ra ameyî mirênayene finayî.

Aktîvîsa TJA Eyleme Amaka ke çalakîye de qisey kerd vat: Seba ke yewna cinîyî mero mirênayene û raştê tecawuzî mero ma do tim kuçeyan de bê. Cinîyê ke ameyî qetilkerdene ma do çirey înan xo vîrî ra mekerê û hesabê înan bipersê.

Çarçewa çalakîyanê 25ê Teşrîna Peyêne de Dêrsim de zî Meclîsê Cinîyan ê HDPyî cinîyan ê tepişteyan rê kartî şawîtî.

Bi eynî waştişî Îstanbul de zî Platformê Mor Sarmaşikî aktîvîteyêke organîze kerde.  Cinîyan tepiştiş û hêrişê vera cinîyan sey polîtîkaya dewlete name kerd û vat ê do seba ke xo û  yewbînan bipawê têkoşînî pîlêr bikerê.